LABOR DAY MESSAGE OF SENATE PRESIDENT FRANCIS "CHIZ" G. ESCUDERO

Ang Labor Day ay isang mahalagang pagkakataon upang bigyang-pugay ang ating mga manggagawa--ang tunay na haligi ng ating ekonomiya. Sa kanilang sipag, dedikasyon, at walang sawang pagsisikap, naitataguyod ang mga industriya, negosyo, at serbisyo na nagbibigay-buhay sa ating bansa at kabuhayan sa mga mamamayan.

Sa kasalukuyan, ang kabuuang lakas-paggawa ng Pilipinas ay umaabot sa mahigit 50 milyong katao. Mula sa iba't ibang sektor--katulad ng agrikultura, konstruksyon, transportasyon, at industriya-- sila ay nagsisilbing lakas ng ating ekonomiya.

Ngayong araw, ating ipagdiwang ang tagumpay at sama-sama nating kilalanin ang kanilang mahalagang ambag sa ating lipunan.

Marami pong salamat sa inyong sakripisyo at pagsusumikap. Mabuhay ang manggagawang Pilipino!